Функционалдық тестілеу

Тіпті үздік жобаларда да қате кетпейтініне және олқылықтар болмайтынына кепілдік жоқ. Функционалдық тестілеу бағдарламадағы қателіктерді бета-тестілеу кезеңінде де, ойын өнімі шығарылғаннан кейін де анықтауға және түзетуге көмектеседі.

Функционалдық тестілеу тестілеушілерден маңызды ойын тәжірибесінің болуын талап етеді, себебі бұл ойыннан қандай қателерді және қалай іздеу керек екенін түсіну үшін қажет. Біздің тестілеушілеріміз тест-кейстің қалай құрылатынын және тестілеуді қолда бар ресурстармен белгіленген мерзімде қалай жүргізілетінін біледі.
Бағдарламадан қатені табу жеткіліксіз, бастысы – оны дұрыс белгілеу және бағдарлама жасаушыға түсіндіру керек. Бұл үшін табылған қатені барынша толығырақ сипаттауға және оның түзетілуін бақылап отыруға мүмкіндік беретін Jira, Bugzilla, GNATS секілді және т.б. баг-трекинг жүйесін қолданамыз.
Біз әр түрлі платформада жұмыс істейміз: дербес компьютер, мобильді құрылғы немесе консольдер. Бір ойын әр құрылғыда әр түрлі көрінеді, бұл басқа платформаға арналған нұсқада болмауы тиіс бірегей қателерді тудырады. Тестілеу үшін тиісті техникалық жабдықты қолданамыз: ойынға арналған ең соңғы дербес компьютерлер, консольдер немесе мобильдік құрылғылар.

Тапсырма үлгісі

Тапсырыс беруші: танымал «шутер» (атыс) жанрындағы ойындарды әзірлеуші.

Тапсырма: жауынгерлік роботтарды төбелестіру туралы көп пайдаланушыға арналған ойынды локализациялау және тестілеу.

Процесс: ойын бойынша жұмыста аударудан бастап бета-тестке дейінгі барлық кезең қамтылады. Әр кезеңде тиісті мамандар жұмылдырылды. Ойын танымал консольдік платформаға арналған, сондықтан оның спецификалық ерекшеліктерін ескеріп, тиісті техникалық құралдарды пайдалану керек болды.

Нәтиже: біз ойынды бірнеше тілге локализациялап қана қоймай, өнімге қызығушылық білдірген ойыншыларды тестілеушілер ретінде тарта отырып, бета-тестілеудің барлық кезеңінен өткіздік. Біздің компания ойындағы қателерді бірнеше ай бойы іздей отырып, техникалық қолдауға арналған материалдарды да аударды.