ЖАЗБАША АУДАРМА

Көптілді аударма

Біз ауқымды әрі күрделі көптілді жобаларға маманданғанбыз. Дәл осындай жобаларда компаниямыздың бүкіл әлеуеті ашылады, олар: жобаларды жоғары деңгейде басқару стандарттары, барлық кезеңде тиімді жұмыс істеу және сапа менеджментінің мінсіз қызмет ететін жүйесі.

Көпжылдық жұмыс тәжірибесі, заманауи аударма технологияларынан хабардар болу және лингвистикалық ресурстарды тиімді басқару Janus компаниясына ең ірі көптілді локализациялау жобаларын қысқа мерзімде және жоғары сапалы орындауға мүмкіндік береді.

Біз көптілді локализация бойынша толық қызметтер кешенін орындаймыз. Біздің жұмысымыздың нәтижесінде клиент құжаттардың баспаға дайын тілдік нұсқаларын немесе бірнеше тілге локализацияланған қолданбаны қолына алады.

Орыс тіліне және ТМД елдерінің тілдеріне аудару

Janus компаниясының аудармашылары мен редакторлары — ең соңғы аударма технологияларын меңгерген және төмендегі тақырыптар бойынша айтарлықтай жұмыс тәжірибесі бар жоғары деңгейдегі білікті мамандар:

  • Ақпараттық технология, телекоммуникациялар, байланыс
  • Көркем әдебиет
  • Автомобиль өнеркәсібі, машина жасау
  • Физика, химия, биология, медицина
  • Ойындар
  • Мұнай өңдеу өнеркәсібі
  • Маркетинг, қаржы, құқық және тағы басқалар

Біздің қызметкерлермен жұмыс істеу жөніндегі бөліміміз лингвистеріміздің кәсіби деңгейін тұрақты түрде толықтырып отыруға күш салады. Біз серіктесетін барлық мамандар көпкезеңді тестілеуден өтеді, олардың жұмыс нәтижелері бақыланып, жұмысты үлестірген кезде ескеріледі. Осылайша біз кез келген тақырыпқа немесе жұмыс көлеміне аудармашылар мен редакторлар командасын барынша қысқа мерзімде жинай аламыз.

Біздің өндірістік кеңселеріміз Ресейде (Мәскеу, Нижний Новгород, Санкт-Петербург, Томск, Сочи), Украинада (Киев) және Қазақстанда (Алматы) орналасқан. Компанияның үлестірілген құрылысы мен ТМД елдеріндегі жергілікті кеңселерге қолдау көрсету арқылы клиенттер үшін барлық қызмет түрлеріне тек қана қолжетімді бағалар ұсына аламыз.

ҚЫЗМЕТТЕР

БАҒДАРЛАМАЛЫҚ ҚҰРАЛДАРДЫ ЛОКАЛИЗАЦИЯЛАУ

Бағдарламалық шешімдеріңізді халықаралық нарыққа шығаруды жоспарладыңыз ба? Біз кез келген бағдарламалық құралды интернационалдыру мәселелері бойынша сізге кеңес бере аламыз. Бұл локализациялау кезінде максималды тұрақтылыққа және минималды шығындарға қол жеткізуге мүмкіндік беретін бағдарламалық құралды әзірлеу бойынша нұсқаулар да, бюджетіңіз бен еңбек шығынын айтарлықтай үнемдейтін дайындық жұмыстарының кешені де болуы мүмкін.

Сіздің бағдарламалық құралыңыз орыс тіліне немесе кез келген басқа тілге аударылып қойды ма? Біз аударылған бағдарламалық құралды лингвистикалық және функционалдық тестілеу қызметтерін ұсынамыз, аударманың барабарлығын бағалауға көмектесеміз, қажет болса, түзету, аударып беру, бейімдеу жұмыстарын жүргіземіз, не болмаса ары қарай локализациялау стратегиясын таңдауға көмектесеміз.

Біз бағдарламалық құрал мен веб-сайттарды бірден бірнеше тілге (бір уақытта 30-дан астам тіл) локализациялау кешенді шешімдерін ұсынамыз, бұл тапсырыс берушілерге өнімді жаңа нарықтарға жедел шығаруға және өз ресурстарын үнемдеуге мүмкіндік береді.

Біз бағдарламалық құралдың сапалы аудармасын алуға қажетті барлық жұмыс түрлерін, оның ішінде бағдарламалық құралды орнату, аударуға арналған файлдарды талдау және дайындау, скриншоттарын алу және тексеру, аударылған файлдарды көпкезеңдік тексеруден өткізу және лингвистикалық тестілеу жұмыстарын орындаймыз.

Қажет болса, өзара қарым-қатынасты жеңілдету үшін компанияны тапсырыс берушінің өндірістік цикліне біріктіруге болады. Осы проактивті стратегия, сонымен қатар тікелей корпоративтік порталымыз арқылы тапсырыстар жасау мүмкіндігі клиенттеріміздің әкімшілік ресурстарды айтарлықтай үнемдеуіне мүмкіндік береді.

Janus бағдарламалық құралды жоғары сапалы локализациялауға қажетті бүкіл жұмыс кешенін орындайды:

  • Интернационализацияны тестілеу
  • Локализациялауға арналған ресурстарды іріктеу
  • Скриншоттар алып, пайдаланушы интерфейсін сынақтан өткізу
  • Аудармалар сапасын тексеру, интерфейстегі аудармаларды соңғы оқудан өткізу
  • Функционалдық сынақтан өткізу
  • Бағдарламалық құралды құрастыру
  • Мультимедиаинжиниринг қызметтері
  • Беттеу және баспа алдында дайындау

Janus компаниясымен бағдарламалық құралды локализациялау саласында серіктесу сізге төмендегідей басымдықтар береді:

  • Өніміңіздің тілдік нұсқаларының нарыққа шығуын жеделдету
  • Брендіңіздің жаһандық нарықта болуы
  • Компанияңыздың тұтынушыларға бейілділігін растау
  • Бағдарламалық құралыңыздың жергілікті нұсқаларының ұсынылған нарықтардың мәдени стандарттарына сәйкестігі
  • Локализацияланған бағдарламалық құрал нұсқаларының жоғары сапасы және сенімділігі

Для получения подробной консультации оставьте запрос, и наш специалист свяжется с вами.